القسم الادبي
الحلم خلاص اتحقق
حاولت انساك معرفتش
حاولت مافكرش فيك مقدرتش
لقيت كل دقة فى قلبى بتنده اسمك
لقيت كل دمعة فى عينى بتقول بحبك
حاولت احرم عينى من حنانك معرفتش
حاولت احرم ايدى من رقة سلامك مقدرتش
جريت عليك وعينى حالفة ماتفارق عينيك
ده انا كنت بحلم بلحظة لقانا من سنين
بحلم تضمنى فى حضن ايديك
تخبينى بين رموش عينيك
تقولى بحبك يا نور ايامى
ماليش غيرك وحالف روحى ماتفارق هواكى
بحلم بدفا ايديك اللى هاتضمنى
وتقولى من كل العالم فى حضنى هاخبيكى
بحلم وبحلم وبحلم والحلم خلاص اتحقق
وبقيت خلاص قصاد عينيا
وايديك حضنت ايديا
وانا اللى ندهت باعلى صوت وقلت
بحبك يا نور عينيا
بحبك
